في خاطري كلمة >> ويمكن << تبكيـــك
وشلون ماأحبك ولا عدت مغليك
وانت الدوا لـ انسان دونك يعاني
وشلون رحت وكل صوتي يناديك
ياهيييه اسمعني ترى العمر فـــــاني
ماقلت لك من قبل ماني مخليك
ياكيف تنساني ــ وقلبك نساني ؟
كتبت لك في صدر الايام ... ابغيك
وكتبت لي :.. خلاص غيرك خذاني
حتى جدار الصمت لو التفت فيك
بكيت من صمته .. وضيق الثواني
عشقت كل لحظات عمرك وماضيك
ومعك : عرفت ان الأماني .. أماني
وسويت لك في داخلي شي يرضيك
وان كان مايرضيك ؟؟ ... سويت ثاني
نزعت فرحت خاطري .. ليت تكفيك ؟
وزرعتها في داخلك ....... ماكفاني
ضحكت لك وآنا من الحزن أسليك
وحبست دمعي لجل أقدم حناني
وصديت وقت الضيق .. مابيك مابيك
تشوفني أضحك ... وأنا اللي أعاني
ياهـ الزمن تكفى - طلبتك - وأرجيك
لاتبخل بـــ وصل الحبيب الـ أناني
قد قلت له : مقدر أفارق وأحاتيك
وقد قلت له : هـ البعد ياما كواني
لكن حسافه كل صوتــن يطريك
ياما معا نفسي ذكرتك .... أغاني
بـ ايديك كل اللي حصل اييه بـ ايديك
بديت احسك شي ... خااارج زماني
ودامك زرعت انسان غيري بـ أراضيك
فـ أنا ماحب يكون غيري ..... مكاني
بـ تغيب ؟ غيب ولكن اسمع محاكيك
قبل السفن تنوي بـــــ هجر المواني
في خاطري كلمة < ويمكن > تبكيك
ابيك تســـــمعها دقـــايق عـــــشاني
>>لو الزمن يعطيك ماهوب معطيك<<
>>شخص يحطك بين عوج المحاني<<
تـ ح ـياتي للكـل
المصدر: مـنـتـديــآت عـصـفــورة قـلـبي
الأحد مايو 01 2011, 01:13
